Forklift operator nahulog sa 25 feet

Habang tinitipa ang artikulong ito, kritikal ang isang forklift operator nang mahulog mula sa 25 talampakan, kasama ang minamanehong sasakyan, sa Malabon City, kamakalawa.

Inoobserbahan sa Manila Central University (MCU) Hospital si Mario Molina, 46, part tine porter at fork clip operator sa Tong-Yi Express Cargo, naninirahan sa Progreso Street, Barangay 141, sa Caloocan City.

Sa ulat, naganap ang aksidente sa tapat ng Tong-Yi na nakabase sa No. 67 Marcelo, Compound, Bgy. Potrero, Malabon City, bandang 2:00 ng hapon.

Minamaneho ni Molina ang bagong forklift upang magkarga sa container van.

Gayunman, nahulog ang biktima kasama ang sasakyan at bumulagta sa semento at nawalan ng malay.