Drug suspect, dedo
SAN JOSE CITY, Nueva Ecija – Patay ang isang umano'y tulak ng iligal na droga matapos umanong makipagbarilan sa mga awtoridad sa isinagawang buy-bust operation sa Christianville Subdivision, Barangay Abar 1st, nitong Miyerkules ng madaling araw.
Sa ulat ni Supt. Leon Victor Rosete, acting police provincial director, nakilala ang nasawi na si Dante Galvan, alyas "Darwin", nasa hustong gulang at kabilang sa drug watchlist ng pulisya sa nasabing siyudad.
Ayon kay P01 Victor Aguirre, nagpanggap na buyer ang isa nilang pulis ngunit nakahalata umano ang suspek at binaril ang mga awtoridad, dakong 2:30 ng madaling araw.
Narekober sa pinangyarihan ng insidente ang isang cal. 38 revolver, apat na basyo ng bala mula sa ca. 9mm pistol at ilang plastic scahet ng hindi pa madeterminang halaga ng shabu.