NPA, nangingikil sa mga kandidato -- AFP

Nangingikil ang mga kaanib ng New People’s Army (NPA) sa mga kandidato sa 2019 midterm elections sa Western Visayas, ayon sa Armed Forces of the Philippines (AFP).

Kinumpirma ni 61st Infantry Battalion (IB) commanding officer, Lt. Col. Sisenando Magbalot, Jr., ng Philippine Amry (PA), kabilang sa mga kinokotongan ng kilusan ang mga tatakbo sa pagka-kongresista at pagka-alkalde sa Region 6.

Aniya, nagpapadala ng liham ang mga rebelde sa mga tatakbo sa eleksyon sa Mayo 13.

Kapag nabigo aniya na magbigay ng campaign fee ang isang kandidato ay hindi sila pahihintulutang umakyat ng bundok upang mangampanya.