2 guro, dinampot sa estafa

Arestado ang dalawang guro matapos na lumabas ang kanilang warrant of arrest kaugnay ng kinakaharap nilang kasong kriminal sa Barangay Masaya Centro, San Agustin, Isabela.

Sa report ng Isabela Provincial Police, nasa kustodiya na nila sina Ronalyn Dingle, 41, ng Barangay Raang-ay, San Agustin, Isabela at Arlene dela Cruz , 39, ng nabanggit na lugar.

Ang dalawa ay nasakote sa bisa ng warrant of arrest na ipinalabas ni Pasig City Regional Trial Court (RTC) Judge Marina GaerlanMejorada, Branch 70 sa kasong estafa, nitong Disyembre 5 ng nakaraang taon.