Ateneo vs NU sa UAAP Jrs. Finals?
Mga Laro Ngayon (Filoil Flying V Centre) 1:00 n.h. -- NU vs AdU (Jrs Semis)
3:00 n.h. -- Ateneo vs FEU (Jrs Semis)
MULING naitakda ang pagtutuos sa finals ang hangad ng National University at Ateneo sa pagsabak nila sa magkahiwalay na laro ngayong hapon sa Final Four ng UAAP Season 81 juniors basketball sa Filoil Flying V Center sa San Juan.
Naghahangad ng kanilang ikawalong sunod na pag-usad sa kampeonato, makakasagupa ng top seed Bullpups ang 4th seed Adamson University Baby Falcons sa unang laban ganap na 1:00 ng hapon.
Nagkataon na ang Baby Falcons ang nag-iisang koponang nakatalo sa Bullpups noong nakaraang eliminations.
Ang back-to-back title-seeking Blue Eaglets ay makakasagupa naman ang Far Eastern UniversityDiliman sa isa pang semis pairing ganap na 3:00 ng hapon.
Tatangkain ng second seed Ateneo na makumpleto ang nasimulang elimination round sweep nila sa FEU.
Dahil sa pagtapos nila na top two noong preliminary round, kinakailangan lamang ng NU (13-1) at Ateneo (11-3) na magwagi ng isang beses upang umusad sa best-of-three title showdown.
Ngunit, kung sakaling maka-upset kapwa ang FEUDiliman at Adamson University, magkakaroon ng decider sa Lunes na gaganapin sa parehas na venue.