6 sa CAFGU, pinalaya ng NPA
Pinalaya ng New People’s Army (NPA) nitong Huwebes ang anim na tauhan ng Citizen’s Armed Forces Geographical Unit (CAFGU), na binihag ng mga rebelde sa Bayugan City, Agusan del Sur.
Ayon kay 4th Infantry Division (IB) Spokesman, Lt. Col. Ezra Balagtey, sina Jurian Gaviola, Marson Iligan, Bienvenido Lamion, Eddie Tindoy, Sanny Malobay, at Hermito Iligan ay kabilang sa 15 hinostage ng mga rebelde noong Disyembre.
Sa pahayag ng militar, ang anim ay pinakawalan sa Bgy. San Juan, at kabilang sa 13 CAFGU at dalawang sundalong binihag ng NPA sa Bgy. New Tubigon Patrol Base sa Sibagat, Agusan del Sur, noong Disyembre 19, 2018.
Sinabi ni Balagtey na isasailalim sa medical at psychological treatment ang anim na tauhan ng CAFGU.