Working permit sa Poland, tiyaking valid

Pinaalalahanan muli kahapon ng Department of Foreign Affairs (DFA) ang mga Pilipino na naghahanap ng trabaho sa Poland na makipagtransaksiyon lamang sa mga lisensiyadong recruitment agencies na may aprubadong job orders mula sa Philippine Overseas Employment Agency (POEA).

Sinabi ni Chargè d’Affaires Maria Alnee Gamble ng Embahada ng Pilipinas sa Warsaw, na dapat tiyakin ng mga Pinoy na mayroon silang valid working permit, working visa at written employment contract bago umalis ng Pilipinas.