Laban sa Falcis brothers, ‘di aatrasan ni Kris

IKINATUWA ng mga nakakita sa post ni Kris Aquino ang ipinadalang bouquet of yellow roses ni Boy Abunda para sa birthday ng una.

“A video will be produced of the beautiful flowers at home, BUT this needed to be posted tonight... Thank You, Boy. It mattered a lot that you made the effort, because REAL LOVE and TRUE FRIENDSHIP will REMEMBER the good memories and make allowances for the shortcomings,” caption ni Kris.

Puro positive ang comments sa nasabing post ni Kris, at wish ng followers niya na sana ay maging simula na ‘yun ng pagbabalik ng closeness ng dalawa. Nakaka-miss ding makita silang magkasama na nagkukuwentuhan at nagtatawanan.

Samantala, sa inilabas na four-part interview ni Kris kina Ogie Diaz at Dindo Balares, malinaw na hindi aatras si Kris sa laban niya sa Falcis brothers.

Sa first part na ipinost ni Kris, tinanong siya ni Ogie kung buo pa sa loob niya ang pagpapatawad?

“There’s no remorse and there’s nothing but hatred being thrown my way. Niloko na ako, dinaya na ako, pinapamukha pang ako pinakawalanghiyang tao sa mundo. Bakit ko patatawarin? Eh, ‘di ang buong Pilipinas sasabihin na ang pinakatangang tao sa Pilipinas si Kris Aquino, no.

“Lalabanan ko to, kasi for awhile I lost the will to fight. Ito lalabanan ko. It’s the Kris who was trained by Ninoy and Cory na humaharap. You will not see the vulnerability. Hindi ipapahalata the nights that she cried herself to sleep.”