PVF official, UAAP volley commissioner
MAY bagong commissioner ang Volleyball Tournament ng Season 81 ng University Athletic Association of the Philippines na pormal ng magbubukas ngayong hapon sa Filoil Flying V Centre sa San Juan.
Itinalaga ng season host National University bilang bagong commissioner ang international referee na si Yul Benosa para sa men’s at women’s volleyball tournament.
Si Benosa ay isang international volleyball referee mula pa noong 2009, at naging opisyal na ng iba’t-ibang international tournaments gaya ng Asian Men’s Club Championships held sa Manila noong 2014 at ASEAN University Games sa Singapore noong 2016.
Tubong Sison, Pangasinan, gamay na rin nya ang collegiate volleyball games dahil nagsilbi na syang UAAP chief referee mula noong 2008 hanggang 2018.
Nagsilbi din siyang Assistant Tournament Manager ng Palarong Pambansa Volleyball Tournaments mula noong 2012.
Isa rin siyang coaching clinician at volleyball event organizer para sa Philippine Volleyball Federation (PVF), at kasalukuyang nagtuturo ng senior high sa Pasay City North High School-Tramo Campus.
Nagtapos si Benosa ng Bachelor of Arts in Education Major in Physical Education, Health and Music sa University of Santo Tomas.
Miyembro rin siya ng koponan ng UST na nagwagi ng tatlong UAAP Men’s Volleyball titles noong 1989 hanggang 1991.