FEU at UP, liyamado sa UAAP volley tilt

Mga Laro Ngayon (Filoil Flying V Center) 8:00 n.u -- UE vs UP (m) 10:00 n.u -- FEU vs NU (m) 2:00 n.h. -- UE vs UP (w) 4:00 n.h. -- FEU vs NU (w)

ISANG naghahangad na makabawi sa pagkatalo noong nakaraang taong kampeonato at isang nagnanais pangatawanan ang maganda nilang performance noong pre-season, sisimulan ng Far Eastern University at University of the Philippines ang kanilang kampanya sa magkahiwalay na laro ngayong hapon sa pagbubukas ng women’s division ng UAAP Season 81 volleyball tournament.

Unang sasabak ang Lady Maroons ganap na 2:00 ng hapon pagkatapos ng unang dalawang laro sa men’s division kontra University of the East Lady Warriors na susundan ng tapatan ng Lady Tamaraws at ng National University Lady Bulldogs ganap na 4:00 ng hapon.

Para kay UP coach Godfrey Okumu, magandang oportunidad ang nangyaring dalawang pre season championship para sa kanilang kampanya ngayong taon.

“The excitement is there but also the stress, the pressure. We cannot count that out,” ani Okumu. “The fans are excited, we are excited, the players are excited as well because most of them believe that it’s a time for them to show themselves to the UAAP community.”

“The last season was quite challenging, Season 80. I barely had enough time to prepare the team the way I wanted,” aniya.

Nagwagi ang UP ng PVL Collegiate Conference title, para sa kanilang unang major women’s volleyball crown mula noong UAAP Season 45 noong 1982, kahit wala ang injured na ace spiker na si Tots Carlos na nasundan ng PSL Collegiate Grand Slam crown kahit wala si Isa Molde.

Ang panalo sa PSL ay nagbigay sa kanila ng magandang oportunidad upang magkaroon ng allexpense paid training camp sa Thailand kung saan nagkaroon sila ng pagkakataon na makalaban ang club team na Supreme Chonburi na pinangungunahan ng Thai national team stars na sina Pleumjit Thinkaow at Wilavan Apinyapong.

“They never had a preseason like this. Playing together as a team. This was a good opportunity for them to test themselves. They were tested well and they’ve land their position but this were just preseason tournament,” ani Okumu.

Inaasahang mamumuno para sa FEU ang mga holdovers na sina Jerrili Malabanan, Celine Domingo, Heather Guino-o, Kyle Negrito at libero Buding Duremdes.

Para naman ng katunggali nilang Lady Bulldogs, malaking hamon para sa koponan ang makapagpakita ng magandang performance sa ilalim ng bagong coach at matapos ang pagkawala ng ilan sa kanilang mga key players.

“Mahirap. Challenging, very challenging. I am telling you talaga. Very challenging pero laban,” pahayag ni bagong Lady Bulldogs coach Norman Miguel.

Kabilang sa mga nawala sa roster ng NU sina Aiko Urdas at starting libero Gayle Valdez na natapos na ang eligibility gsyundin ang mga beteranang sina Jasmine Nabor, Jorelle Singh, Roma Doromal at middle blocker Risa Sato.

Inaasahang mamumuno para sa Lady Bulldogs ang mga galing girls squad na sina 3-time Best Setter Joyme Cagande, 6-foot-1 Ivy Lacsina, Princess Robles at libero Jennifer Nierva.