Fil-Am, pinatay sa Chicago
Isang Filipino-American ang hinihinalang pinatay sa Chicago, iniulat kahapon ng Department of Foreign Affairs (DFA). Nagpaabot ang DFA ng pakikiramay at simpatya sa pamilya ni Anthony Del Barrio, nasa hustong gulang, isang Filipino-American. Ayon sa Konsulado ng Pilipinas sa Chicago, nakikipag-ugnayan ito sa mga awtoridad doon na patuloy na nag-iimbestiga sa pagkamatay ni Del Barrio. Batay sa Chicago authorities, wala pa silang suspek at hiniling na nila ang ayuda ng publiko para sa anumang impormasyon na makatutulong sa imbestigasyon sa kaso.