5 patay sa mass shooting sa Chicago

Limang katao ang nasawi habang ilang pulis ang nabaril nitong Biyernes nang magpaulan ng bala ang isang armado sa isang manufacturing complex sa Aurora, Illinois, sa kanlurang bahagi ng Chicago.

Nakipagpalitan pa ng putok sa mga pulis si Gary Martin, 45, empleyado sa lugar, bago siya napatay ng mga rumespondeng awtoridad.

Hindi naman naglabas ng detalye hinggil sa pagkakakilanlan ng mga biktima habang patuloy pang inaalam ang motibo ng suspek.