‘Emergency’ para sa pader, idineklara ni Trump
Kasabay ng pagbanggit sa “invasion of drugs and criminals”, nagdeklara si President Donald Trump nitong Biyernes ng national emergency sa US-Mexico border, upang maibigay na ang pondo na matagal na niyang hinihingi sa Kongreso para sa pagpapatayo ng pader.
Dahil sa hakbang ng US President, maaari na nitong i-bypass ang oposisyon at direktang humiling ng pondo sa federal para sa pader.
“I am going to be signing a national emergency,” pahayag ni Trump. “We are talking about an invasion of our country, with drugs, with human traffickers, with all types of criminals and gangs.”
Agad naman kinontra ng Democrats ang hakbang ni Trump at nangakong maglulunsad ng imbestigasyon para rito.