Benepisyo pa sa nasa S&T
Inaprubahan ng Kamara ang bicameral conference committee report na nagsasama sa bersiyon ng Senado at Kamara sa panukalang magdadagdag sa mga benepisyo ng mga science and technology (S&T) personnel ng gobyerno. Pinag-isa ng report ang House Bill 8734 nina Quezon City Rep. Alfredo Vargas III, 1-Pacman Reps. Michael Romero at Enrico Pineda, at Camarines Sur Rep. Luis Raymund Villafuerte, at ang Senate Bill 1534 ni Sen. Loren Legarda. Sususugan ng pinag-isang panukala ang RA 8439 o Magna Carta for Scientists, Engineers, Researchers and Other Science & Technology Personnel in the Government.