4 na rebelde, sumuko

Sumuko sa mga tauhan ng Philippine Army (PA) ang apat na rebelde nang makorner ang mga ito sa Barangay New Baguio, Makilala, North Cotabato, kamakailan.

Ayon kay 39th Infantry Battalion (IB) commanding officer, Lt. Col. Rhojun Rosales, pagod na pagod at nanghihina sa sobrang gutom ang apat na rebelde nang matagpuan nila ang mga ito sa kagubatan sa lugar.

Ayon kay “Ka Alvin”, naubusan sila ng bala, nakaranas ng sobrang gutom at pagod dahil sa patuloy na pagtugis ng militar.

Isinuko ng mga rebelde ang mga matataas na uri ng armas at antipersonnel mines.

Ibinunyag ng apat na napilitan umano silang pumasok sa kilusan ng NPA nang i-recruit sila at bigyan ng armas, kasabay ng pangakong buwanang sahod.

Sa ngayon ay isinailalim sila sa tactical interrogation ng military.