3 ‘tulak’, nalambat

CONCEPCION, Tarlac – Tatlong kilabot na drug pusher na kumikilos sa bayang ito at karatig pang lugar ang natimbog sa isinagawang buybust operation sa Barangay Jefmin, Concepcion, Tarlac, nitong Biyernes ng gabi.

Kinilala ni PO2 Globoy Paz, may hawak ng kaso, ang mga naaresto na sina Eleazar Bulacso, alias Sonny; 39, fish vendor; Marlon Llarnes, alias Sadam, 218, kapwa residente ng Sitio Macangcong, San Francisco; at Noel Lacsamana, alyas “Towey”, 46, ng Jefmin ng nasabing bayan.

Sa rekord ng mga awtoridad, ang tatlo ay nasa kanilang drug watchlist.

Nasamsam sa kanila ang hindi pa madeterminang halaga ng shabu at marked money.