R2.8-M scholarship grant para sa Negros Occidental

NAKIPAGTULUNGAN ang Technical Education and Skills Development Authority (TESDA) sa Negros Occidental provincial government para sa pamamahagi ng P2.8 milyong halaga ng bundled technical-vocational scholarships sa mga kuwalipikadong Negrenses.

Ang mga kurso ay iaalok ng Capitol-run Negros Occidental Language and Information Technology Center (NOLITC) bilang bahagi ng implementasyon ng Republic Act 10931 o ang Universal Access to Quality Tertiary Education Act (UAQTEA).

Nitong Miyerkules, mismong sina Governor Alfredo Marañon, Jr. at TESDA Western Visayas Regional Director Ashary Banto ang lumagda sa memorandum of agreement sa isang seremonsya sa Provincial Capitol.

Habang saksi sa paglagda ng kasunduan sina TESDA-Negros Occidental Provincial Director Jimmicio Daoaten at NOLITC Vocational School Administrator Ma. Cristina Orbecido.

Bahagi ng scholarship na available ay para sa mga kurso sa Contact Center Services, 2D Animation, at Visual Graphic Design, na iaaalok bilang bundle qualifications.

Ayon kay Banto nasa 100 iskolar, na mga nakapagtapos ng high school o mga dropouts sa kolehiyo, ang pipiliin upang makatanggap ng mga libreng pagsasanay, allowance, instructional materials, tool kits, at dormitory accommodation, na kinakailangan.

Ayon kay Orbecido, tumatanggap na ngayon ang NOLITC ng mga aplikasyon para sa scholarship.

Sa ilalim ng RA 10931, maaari nang makuha nang libre ang mga TESDA technicalvocational education and training (TVET) programs sa lahat state-run technicalvocational institutions, kabilang ang mga local government unit-run training centers katulad ng NOLITC, na isa sa 22 katuwang na institusyon ng ahensiya, para sa pagpapatupad ng UAQTEA implementation.