Yasmien, gagraduate na sa April
NAKAKABILIB si Yasmien Kurdi dahil napagsabay niya ang pag-aaral at kanyang showbiz career. Sa April ay ga-graduate na si Yasmien sa Arellano University under the Expanded Tertiary Education Equivalency and Accreditation Program (ETEEAP).
“Finally!!! Maraming Salamat, Ama. Thank you Arellano University. Kay Dean Balignasay, Dr. Maristela Roxas maraming salamat po sa mahabang pasensya, Dr. Michael Hermigenes, Dr. Ariel Bautista and Sir Philipp Flores of ETEEAP. Done with our #Thesis waaaa grabe nakakapanghina naiiyak ako heheh #happy. Kitakits sa PICC on April 6. Ga-graduate nako!!! Sa wakas #kilig,” post ni Yasmien.
Ang daming nag-congratulate kay Yasmien na taga-showbiz at hindi taga-showbiz dahil hindi biro ang hirap na pinagdaanan niya. Nabanggit kasi ni Yasmine na kaya siya nagpursigeng mag-aral at makatapos ay para maging role model sa anak niyang si Ayesha. Samantala, may bago na namang teleserye si Yasmien, siya ang lead actress sa morning teleserye ng GMA-7 na Hiram na Anak na magpa-pilot sa February 25, bago ang Eat Bulaga. Si
Dion Ignacio ang kapareha rito ni Yasmien at mula sa direksyon ni
Gil Tejada Jr.
Pagiging ina ulit ang gagampanang role ni Yasmien at batay sa teaser, namatayan siya ng anak at nag-aalala na baka hindi na magkaanak. Tiyak na paiiyakin nina Yasmien at Dion ang Kapuso viewers tuwing umaga.