Info drive vs tigdas
SAN FERNANDO CITY, Pampanga – Nanawagan kahapon ang pamahalaang panlalawigan na paigtingin ang malawakang pagbabakuna at information campaign kontra tigdas sa Pampanga.
Sa pahayag ng Pampanga provincial government, binigyang-diin nito ang kahalagahan ng pagbabakuna at hinikayat ang publiko na pabakunahan ang kanilang mga anak, lalo na at libre at ligtas naman ito.
Kaugnay nito, sinabi naman ni Provincial Health Office chief, Dr. Marcelo Jaochico, suportado ng lalawigan ang house-to-house measles vaccination ng mga health worker upang matiyak na protektado ang mga bata laban san aturang sakit.
Ayon pa kay Jaochico, masyadong mapanganib ang nabanggit na sakit dahil nakahahawa at naipapasa ito sa ibang taon sa pamamagitan lamang ng pagbahing, pag-ubo at pakikisalamuha sa taong may sakit, ubo, sipon, pamumula ng mata, lagnat at pagkakaroon ng mapupulang pantal.
Kabilang aniya sa komplikasyon nito ang pagdudumi, impeksyon sa tenga, encephalitis, malnutrisyon, pagkabulag at pagkamatay.