NYPD officer, iniimbestigahan
SUMASAILALIM ngayon sa imbestigasyon ang isang New York City precinct commander dahil sa umano’y utos nito sa mga pulis na barilin ang rapper na si 50 Cent, kinumpirma ng kinatawan ng pulisya sa Variety nitong Linggo.
“The matter is under internal review,” sabi ng NYPD rep, at wala na itong binigay na ibang detalye.
Ayon sa Variety, inakusahan si Deputy Inspector Emanuel Gonzalez
ng umano’y pag-uutos sa mga awtoridad noong June 7 roll call na “shoot [50 Cent] on sight” kung makikita nila ang rapper sa isang boxing match sa Bronx, na inaasahang dadaluhan ni 50 Cent, ayon sa New York’s Daily News. “The inspector just said that at roll call,” lahad ng source sa pahayagan. “I’m like WTF.”
Ibinahagi naman ng rapper at bida ng Starz TV series na Power — legal name ay Curtis Jackson — sa social media na hindi niya alam ang tungkol sa banta, at nalaman niya lang ito nitong Linggo ng umaga sa balita sa mga pahayagan.
“This is how I wake up this morning,” panimula niya sa post. “This guy Emanuel Gonzales is a dirty cop abusing his POWER. The sad part is this man still has a badge and a gun. I take this threat very seriously and I’m consulting with my legal counsel regarding my options moving forward.” Inihayag naman ng kinatawan ni 50 Cent sa News na, “Mr. Jackson takes this threat very seriously and is consulting with his legal counsel regarding his options going forward. He is concerned that he was not previously advised of this threat by the NYPD and even more concerned that Gonzalez continues to carry a badge and a gun.” Nananatili pa ring aktibo sa serbisyo si Gonzalez, na halos 30 taon nang nagsisilbi sa NYPD, ulat ng pahayagan, at tinangka umano nitong iutos ang order nang pabiro. Ngunit nakarating ang kautusan sa police headquarters, na pinagmulan ng imbestigasyon, dahil nagkaalitan na sina 50 Cent at Gonzales noon.
Noong May, nagsampa si Gonzalez ng aggravated harassment complaint laban kay 50 Cent, dahil sa umano’y pagbabanta ng rapper sa kanya sa Instagram, ayon sa News.
“50 commented on a lawsuit that accused Gonzalez of shaking down the owner of a Brooklyn club when he wrote ‘Get the strap’ using slang for gun. In the complaint, Gonzalez said several of the rapper’s followers responded with their own threats, which left him ‘in fear of his safety’.” Binura ni 50 Cent ang Instagram post at walang kasong isinampa hinggil dito.