Tagumpay ng atleta, misyon ng Go For Gold
TULOY ang paghahanap ng Philippine chess ng bagong Wesley So.
At kabilang ang 18-anyos na si John Marvin Miciano sa maraming kabataan na naghahangad na marating kahit kalahati ng tagumpay ng Grandmaster sa international chess.
"Gusto ko po talagang maging GM -- maging next Wesley So or Eugene Torre, kung pupwede. ‘Yun po pangarap ko," pahayag ni Miciano sa kanyang pagbisita sa “Usapang Sports” ng Tabloids Organization in Philippine Sports (TOPS) nitong Huwebes sa National Press Club sa Intramuros.
Itinanghal na pinakabatang Pinoy na nakasungkit ng International master title sa nakalipas na taon, determinado si Miciano na makamit ang GM norm at nangangailagan siya ng ayuda mula sa pamahalaan at pribadong sektor, na kaagad naman tinugunan ng Go For Gold na pinangangasiwaan ni Jeremy Go.
"Gaya po ng alam natin lahat mahirap maging GM. Nagpapasalamat ako sa suporta ng magulang ko, pati na sa aking mga sponsors, gara ng Go For Gold ni Sir Jeremy Go at PAGCOR," sambit ni Miciano.
Ipagpapatuloy ni Miciano ang paglalakbay para sa minimithing pedestal sa pagsabak niya sa FIDE Asian Zone 3.3 championships sa April 6-16 sa Ulaanbaatar, Mongolia.
Sasabak sa FIDE-rated event ang pinakamatitikas na GM player sa buong rehiyon, tampok ang Southeast Asian powers Vietnamese at Indonesian.
Asam ni Miciano ang matikas na pagtatapos na magbibigay sa kanyang nang kinakailangang ayuda para makamit ang GM norm.
Buo naman ang tiwala ni Go For Gold Philippines godfather Jeremy Go sa preparasyon at talent ni Miciano.
"Chess is one sport where Filipinos can excel. It is a test of mental strength. I thinj Marvin is ine of our brightest you g players who deserve our support," pahayag ni Go, kasama ring bumisita sa lingguhang sports forum na itinataguyod ng Philippine Sports Commission (PSC) at National Press Club (NPC) at napapanood ng live sa Facebook live via Glitter Livestream.
"I wish Marvin well," pahayag ni Go, matapos ang porman na pagtanggap kay Miciano bilang bagong talent ng Go For Gold Philippines na kinabibilangan din nina Asian Games skateboarding gold medalist Margielyn Didal, twotime men’s triathlon SEA Games champion Nikko Huelgas, cycling hero Rex Krog at ang pamosong world champion Philippine Canoe Kayak and Dragon boat team.