Team Liyab, sabak sa League of Legends SEA national aqualifiers
MAY bagong misyon ang Team Liyab, ang opisyal na eSports team ng Globe at Mineski, ang makasikwat ng puwesto para maging kinatawan ng bansa sa League of Legends (LoL) Southeast Asia Tour (SEA Tour) Finals sa Abril sa Vietnam.
Makakaharap ng Liyab sa National Minor event, ang Singapore, Malaysia, Indonesia at Thailad sa best-of-3, single elimination event.
Kamakailan, nadomina ng Liyab ang iba pang torneo kabilang ang Mogul Silver Slam - SEA Tournament nitong February 23 para maibulsa ang over all championship ang premyong P80,000.
Napagwagihan din nila ang Philippine Pro Gaming League (PPGL), ang nangungunang multigame nationwide tournament sa bansa. Ginabi ng Liyad ang matitikas na Imperium Pro Team, ISC at Arkangel para masiguro ang slots sa main event at ang premyong P400,000.
Nakamit din ng Liyab-Arena of Valor team ang panalo sa iba pang eSports sa bansa sapat para makuha ang karapatan na katawanin ang bansa sa ESL Clash of Nations – Arena of Valor Regional sa Marso 29-31 sa JIExpo Convention Center sa Jakarta, Indonesia.
Ang ESL Clash of Nations ay may kabuuang premyo na US$50,000, kung saan ang kampeon ay magwawaging champion team purse na USD 25,000.
Inihayag ng Globe na handa ang kumpanya na tulungan ang mga Pinoy eSports na mas mapalawak ang kaalaman para sa international stint. Ang tagumpay ng Liyab ay pahiwatig ng kahandaan ng Pinoy sa mundo ng eSports at handa ang Globe, sa pamamagitan ng kanilang Games and Esports Program para rito.
Bahagi ng pagsuporta ang pagpapasinaya ng bagong Esports Center (ESC) sa Play Nation sa UP Town Center sa Quezon City.