A$AP Rocky, kinasuhan ng assault
KINASUHAN ng assault ang Amerikanong rapper na si A$AP Rocky sa Sweden dahil sa umano’y pagkakasangkot nito sa gulo, at kasalukuyan siyang nakadetine sa bansa hanggang sa matapos ang trila, inihayag ng Swedish prosecutor nitong Huwebes.
Noong Hulyo 3 nakulong ang 30year-old performer, producer at model, na ang tunay na ngalan ay Rakim
Mayers, kasama ang dalawa pa dahil sa pagkakasangkot nito sa gulo sa central Stockholm on June 30.
Sinampahan ng kasong assault si Rakim, ayon sa pahayag ng piskal at nahaharap ang rapper sa hanggang dalawang taong pagkakakulong sakaling mapatunayang nagkasala.
“I have today commenced criminal proceedings against the three individuals suspected of assault causing actual bodily harm, having come to the conclusion that the events in question constitute a crime despite claims of self-defense and provocation,” lahad ng Public Prosecutor na si ni Daniel Suneson.
Simula pa lamang ay gusto nang sampahan ni Daniel si
Rakim ng aggravated assault.
Ang rapper na nakilala sa kantang Praise the Lord, ay nasa Stockholm para magtanghal sa Smash hip-hop festival, ngunit dahil nakulong, nakansela na ang mga nalalabing pagtatanghal niya sa kanyang European tour. Nakatakda siyang magtanghal sa United States sa August 11.
Malawak ang nakuhang atensyon ng kaso ni A$AP Rocky at nakaabot ito kay U.S. President Donald Trump. Nitong nakaraang linggo, kinumbinsi ni Trump si Swedish Prime Minister Stefan Lofven na palayain na ang rapper at handa umano itong bayaran ang piyansa ni Rakim. Sinagot si Trump ni Lofven at sinabing hindi makikialam ang huli sa kaso ni A$AP Rocky.