62 bangkay, narekober sa Libya
TRIPOLI– Aabot sa 62 bangkay ng migrant ang nakarekober sa karagatan ng Libya nitong Biyernes, isang araw matapos ang umano’y “deadliest shipwrecks” sa Mediterranean ngayong taon.
Nitong Huwebes, nasa 145 katao ang nasagip ng Libyan coastguard makaraang tumaob ng sinasakyan nilang Bangka habang naglalayag sa karagatang sakop ng Khoms.
Ayon sa International Organization for Migration (OIM), tinatayang 110 pa ang nawawala at batay sa mga nakaligtas mayroong 400 pasahero ang bangka nang lumubog.