National Commission of Senior Citizens, tuloy

Ganap nang batas ang Republic Act 11350 na lilikha sa National Commission of Senior Citizens (NSCS).

Pinirmahan ni Pangulong Rodrigo Duterte ang nasabing batas nitong July 25 at inilabas lamang Biyernes ng hapon.

Sa ilalim ng batas ay bubuwagin na ang National Coordinating and Monitoring Board na nilikha sa bisa ng Expanded Senior Citizens Act of 2010 at papalitan ng NCSC na bubuuin ng mga chairperson at anim na commissioners mula sa iba’t ibang rehiyon na itatalaga ng Pangulo.