Iran, nagpakawala ng missile

WASHINGTON— Nagpakawala ang Iran ng isang medium-range ballistic test missile sa loob ng kanilang teritoryo, ulat ng mga opisyal nitong Biyernes, na senyales ng pagkontra ng bansa sa demand ng administrasyon na limitahan ang weapon program ng bansa.

Ang paglulunsad ay naganap sa gitna ng tumitinding tension sa pagitan ng Iran at ng Amerika, hinggil sa kaligtasan ng paglalayag ng mga commercial ship sa Persian Gulf at Strait of Hormuz.

Ang test launch ng Iran ay tinawag ng kinatawan ng White House na “acting out as a result of intense pressure from U.S. economic sanctions”.