Gen 18:20-32 ● Slm 138 ● Col 2:12-14 ● Lc 11:1-13

Isang araw, nananalangin si Jesus sa isang lugar at pagkatapos niya’y sinabi sa kanya ng isa sa kanyang mga alagad: “Panginoon, turuan mo kaming manalangin kung paanong tinuruan ni Juan ang kanyang mga alagad.” At sinabi ni Jesus sa kanila: “Kung mananalangin kayo, sabihin n’yo: “Ama, sambahin ang ngalan mo, bigyan mo kami araw-araw ng pagkaing kailangangkailangan namin, patawarin mo kami sa aming mga sala; tingnan mo’t pinatatawad din naming ang lahat ng may utang sa amin, at huwag mo kaming dalhin sa tukso.”

PAGSASADIWA:

Maraming mga Pilipinong nagtatrabaho sa ibang bansa ang mistulang naging “misyonero” rin sa pamamagitan ng maganda nilang halimbawa ng pagiging madasalin at tapat sa kinagisnang pananampalatayang Katoliko. Ipanalangin natin sila at mga mahal nila sa buhay na naiwan nila dito sa ating bayan. Umasa tayong iingatan sila lagi ng Diyos at pagpapalain ng mabubuting bagay sa lahat ng oras.