Hugh Grant copycat, ‘di uubra
SA BAGONG ‘FOUR WEDDINGS’ SERIES
BINIGYANG-PUGAY ang Four Weddings and
a Funeral sa 1994 film ngunit huwag nang umasa ang fans na magkakaroon ng Hugh
Grant copycat sa limited series. Ipinahayag ng creator na si Mindy Kaling na sinadya nitong iwasan na igaya ang leading man ng bagong bersyon ng Four Weddings
and a Funeral sa floppy-haired British guy na leading man sa orihinal na serye. Ang karakter at hitsura na iyon ay “iconic” para sa karera ni Hugh at sa British comedy, ngunit mayroon pa umanong ibang paraan para maging sexy, ani Mindy.
“It makes room for a lot of other fascinating characters,” lahad ni Mindy sa TV critics’ meeting nitong Biyernes.
Sa 10-episode Hulu series, ang PakistaniBritish character ni Kash ang bida sa istorya apat na magkakaibigan at kanilang love interests sa London. Ang karakter ay ginampanan ni Nikesh Patel, isang British aktor na may lahing Indian.
Ang bibidang aktres sa serye ay ang British actress na si Nathalie Emmanuel, na gumanap bilang si Missandei sa Game of Thrones. Kasama rin sa cast members sina Rebecca Rittenhouse, John
Reynolds at Brandon Mychal Smith.
Magkakaroon pa rin ng touches ng orihinal na pelikula ni Richard Curtis ang serye gaya ng “opening scene with liberal use of a certain expletive. Andie MacDowell, who starred opposite Grant in the movie, is back in a different role.”