Marvel, maglulunsad ng isa pang Pinay superhero
MATAPOS ang pagpapakilala kay ‘Wave’, ang Pinay superhero mula Cebu na kayang kumontrol sa tubig, isang pang Pinay superhero ang papasok sa Marvel Comics universe ngayong Setyembre.
Inanunsyo ni Greg Pak, isa sa mga lumikha kay ‘Wave’, sa kanyang Twitter account na nakipagtulungan siya sa award-winning writer na si
Alyssa Wong at sa artist na si Pop Mhan para ipakilala ang pinakabagong Filipino superhero. Sinasabing ang unang appearance ng bagong Pinay superhero ay sa issue #3 ng Aero.
Sa tweet ni Pak nitong Biyernes, “hot tip comics collectors: @crashwong, @ popmhan and I am introducing ANOTHER brand new Filipina superhero in AERO #3. And she is awesome. Do not miss this — preorder the book today with your local comic book shop!”