Negros Island killings, iginiit imbestigahan
BACOLOD CITY – Nanawagan kahapon sa pamahalaan ang militanteng Bagong Alyansang Makabayan (Bayan)-Negros na imbestigahan ang serye ng pamamaslang sa Negros Island, kamakailan.
Sa kanilang apela, hinikayat ng grupo na lumikha ng isang independent fact-finding team ang pamahalaan na tututok sa serye ng pagpatay sa lugar.
Ipinaliwanag ng grupo, aabot na sa 20 katao ang napapaslang mula Hulyo 18 ng taon.
Sinabi ng grupo, pinaniniwalaan ng pulisya na mga kaanib ng New People’s Army (NPA) ang pumaslang sa mga biktima.
Gayunman, hindi pa rin naniniwala ang grupo at sinabing dapat nang gumawa ng kaukulang hakbang ang gobyerno upang matukoy ang nasa likod ng mga sunud-sunod na insidente ng pamamaslang sa lalawigan.
Binanggit ng grupo ang pinakahuling insidente ng pamamaslang na ang mga biktima ay kinabibilangan ng isang dating alkalde, pinsan, konsehal at isang barangay chairman.
Nananawagan din ang grupo sa House of Representives, at sa Commission on Human Rights (CHR) na magsagawa rin ng sariling imbestigasyon.
Binatikos din ng mga ito ang Oplan Kapanatagan, ang counter-insurgency program ng pamahalaan na nagsagawa umano ng operasyon laban sa mga pinaghihinalaang rebelde
“The accusations are without basis, but the effects are fatal, mostly leading to killings. The monstrosity done against individuals and communities continues with impunity.
“These lies need to be exposed and challenged. The people of Negros are not only slowly dying from hunger, poverty and drought, they are also being mercilessly murdered by a fascist and vindictive regime,” ayon pa sa grupo.