Vice-mayor, exmayor guilty sa graft

Iniutos ng Sandiganbayan na makulong ang isang dating mayor ng Zamboanga del Norte at incumbent vice-mayor kaugnay ng pagkakasangkot sa umano’y maanomalyang pagbili ng segundamanong sasakyan noong 2011.

Sa 53 pahinang ruling ng 6th Division ng Sandiganbayan, ipinakukulong sina dating Labason Mayor Wilfredo Balais at incumbent Vice Mayor Virgilio Go ng Zamboanga del Norte matapos mapatunayang nagkasala sa kasong paglabag sa Republic Act 3019 (AntiGraft and Corrupt Practices Act).

Bukod sa pagkakapiit, pinagbawalan na rin sila ng antigraft court na magtrabaho o humawak ng anumang puwesto sa pamahalaan.

Sa rekord ng hukuman, bumili ang munisiyo ng second hand na 2001 Nissan Patrol Wagon kay Eduardo Ayunting ng Oro Cars

Display Center na nagkakahalaga ng P960,000, sa pamamagitan ni Go, noong Enero 28, 20011.

Gayunman, hindi dumaan sa public bidding ang transaksyon at natuklasan pa na bago pa ang naturang transaksyon ay nabili na pala ni Balais ang sasakyan ng P500,00.

Hindi rin nagkaroon ng public bidding ang pagbili ni Balais sa nabanggit na behikulo.

Natuklasan ng korte na walang naganap na bidding sa transaksyon ngunit tinangka pa itong tutulan ng panig ng depensa.

Ipinaliwanag ng hukuman, “puno ng iregularidad ang iniharap na ebidensya ng defense panel.”

Una, nakasulat lamang sa Invitation to Apply for Eligibility and to Bid ang pangalan ng protyekto bilang “1 unit Nissan Patrol" na isa sa paglabag sa procurement law bunsod na rin ng nakalagay na brand name nito.

"Here, although the Invitation to Apply for Eligibility and to Bid indicates that the post-qualification is included in the schedule of activities, there is nothing that would show that it was actually conducted. It appears that the BAC recommended the award of the contract for the purchase of motor vehicle solely on the basis of the price quotations," ayon sa hukuman.

Sinabi ng prosekusyon, nagsabwatan sina Go, Balais at Ayunting upang upang labagin ang batas sa naturang transaksyon.

"Such acts squarely fall within the definition of evident bad faith, which connotes not only bad judgment, but also palpably and patently fraudulent and dishonest purpose to do moral obliquity or conscious wrongdoing for some perverse motive or ill will,"

Dagdag pa ng korte.