Labor education, hiniling ituro sa kolehiyo

Ipinapanukala ng isang senador na isama ang labor education sa curriculum ng lahat ng public at private higher education institutions para maitaas ang kaalaman sa workers’ rights at labor policies.

Kamakailan ay naghain si Senator Joel Villanueva ng Senate Bill No. 1218, na naglalayong maisama ang labor education sa araling itinuturo sa kolehiyo upang ang mga manggagawa sa hinaharap ay magkaroon ng relevant career guidance information, kaalaman sa labor market, lalung-lalo na sa labor rights.

Sa paghahain ng hakbang, ikinalungkot niya na maraming

Pilipino ang mahina pa rin sa mga isyu na bumabagabag sa sektor ng paggawa, gaya ng unemployment at underemployment at mga problema kaugnay sa fair wages, job security, safe workplaces, social protection, at right to organization.

Pinansin niya na problema pa rin ang accessibility at availability ng de kalidad na oportunidad sa trabaho sa bansa, na nagtutulak sa maraming Pilipino na maghanap ng trabaho sa ibang bansa sa kabila ng pagkakahantad sa maraming panganib sa kalusugan at lipunan.

Ang mga trabahador naman sa bansa ay hinahamon ng mga isyu sa trabaho, gaya ng abusadong job contracting, at ang hindi pagsunod ng employers sa general labor standards, dagdag niya.

“Unfortunately,Filipinos’knowledge of their labor rights and access to legal aid or assistance remain inadequate, forcing some of them to compromise in the incidence of labor rights violations,” ani Villanueva, namumuno sa Senate labor committee, sa kanyang panukalang batas.

“In light of these problems, it is clear that the government has to strive to make every Filipino worker aware of his or her rights,” dagdag niya.

Nakatakda na itong talakayin ng Senate labor panel.