2 Chinese tourist, patay nang malunod
CEBU CITY—Dalawang Chinese nationals ang binawian ng buhay matapos mahulog mula sa parasailing boat sa Panglao, Bohol nitong Linggo ng hapon.
Kinilala ang mga nasawi na sina Lou Rennei, 63, at Lan Rong, 56.
Kabilang ang dalawang biktima sa 10 Chinese nationals na sakay PARAW Sailboat ng maganap ang insidente.
Ayon kay Lt. Jr. Grade Michael John Encina, spokesperson ngPhilippine Coast Guard-Central Visayas (PCG 7), kasalukuyang nakadetine na ang operator ng bangka na si Rufino Labastida, 46 at boat helper Randy Anligues, 24, sa Panglao Police Station after the incident.
“We are investigating the maritime safety side of the incident and it will be up to the Panglao police to look into the possible criminal liability of the boat personnel,” ani Encina.
Sa salaysay umano nina Anligues at Labastida, hinampas umano ng malalaking alon ang bangkang sinasakyan ng mga turista dakong 5:30 ng hapon, dahilan upang mahulog sa dagat ang dalawang biktima.
Ayon kay Encina, wala umanong suot na life jackets ang lahat ng mga pasahero ng maganap ang insidente.
Masuwerte namang napadaan umano sa lugar ang isang yate, MY Elizabeth, na siyang tumulong sa mga turista bago pa maialerto sa Coast GuardWestern Bohol.
Agad namang nagtungo sa lugar ang mga rescuers mula Coast GuardTagbilaran at Coast Guard-Panglao ngunit patay na ang dalawang Chinese ng maabutan nila.
“The initial violations that we discovered was that the passengers were not wearing life jackets. The boat operator was not able to present a permit allowing them to conduct parasailing activities,” dagdag pa ni Encina.
Samantala, wala naman umanong weather advisory ng maganap ang insidente.