PNP todo bantay vs ilegal na paputok
Pinaigting ng Philippine National Police (PNP) ang pagsasagawa nito ng checkpoints sa buong bansa upang hindi makalusot ang illegal firecrackers at pyrotechnic materials na maaaring gamitin para sa kasiyahan sa Bagong Taon.
Sinabi ni PNP spokesman Brig. Gen. Bernard Banac na inatasan na ang police commanders na doblehin ang kanilang pagbabantay upang maharang ang pagbiyahe at pagbebenta ng mga ilegal na paputok dahil madalas na ito ang dahilan ng mga pinsala.
“They were also instructed to intensify the intelligence-gathering in order to monitor the possible movement, from the source to destination, of these illegal firecrackers,” ani Banac.
Nauna rito ay nangako ang liderato ng PNP na ibababa sa insignificant level ang bilang ng firecracker-related injuries, na patuloy na bumababa sa nakalipas na tatlong taon.
Noong 2017, iniulat ng PNP ang 29 na porsiyentong pagbaba sa bilang ng firecracker-related injuries, at bumaba ito sa 31% noong 2018. Sa 2019, tanging 307 ang naitala na ayon sa pulisya ay ang pinakamababang bilang ng mga insidente simula 2016.
Habang agresibo ang gobyerno sa information dissemination sa tulong ng media at iba pang non-government organizations, sinabi ni Banac na magpopokus sila sa law enforcement side.
Kabilang sa mga ito ang pagsasagawa ng checkpoint, pagbisita sa mga tindahan ng paputok na sasabayan ng pagkukumpiska sa illegal firecrackers at pag-aaresto sa mga nagtitinda nito.
“But the cooperation of the public is important here. They should report selling of illegal firecrackers to the nearest police station,” ani Banac.