PH, negatibo sa bagong coronavirus
Nilinaw kahapon ni Health Secretary Francisco Duque III na maituturing pa ring ligtas mula sa bagong strain ng coronavirus o 2019-nCoV ang Pilipinas sa kanila ng naunang kumpirmasyon ng Department of Health (DoH) na may 5-taong gulang na batang lalaki mula China na nagpositibo sa “non-specific pancorona virus assay.”
Ipinaliwanag ni Duque na sa ngayon ay isolated pa lamang ang kaso ng bata, na dumating sa bansa noong Enero 12 at naka-confine sa isang ospital sa Cebu. “Yung bata po magaling na. Konting ubo wala na pong lagnat, ani Duque sa media forum sa Malate, Manila kahapon. “Kaya meron pa rin posibilidad na baka hindi naman talaga ito posibleng novel coronavirus.”
“That only indicates that that the infection is a coronavirus and there are many coronaviruses that cause respiratory infectionswhichareverymild,”ipinaliwanag ni World Health Organization (WHO) Country Representative to the Philippines Dr. Rabindra Abeyasinghe.
Ang nanay ng bata, na isa sa mga katabi niya sa eroplano ay maayos ang kondisyon at walang nakitang sintomas dito. Naka-isolate na rin ang mga doktor at nurse na sumuri sa bata bilang bahagi ng protocol.
Sa ngayon ay wala pang dapat ikaalarma ang publiko, ayon kay Duque.
“Not at this point because this positive test from our RITM (Research Institute for
Tropical Medicine) simply is for the nonspecific pancorona virus. Nothing definite as of now,” aniya.
“The situation continues to evolve and you don’t know how these things [will] turn out at each corner. Let’s be prudent,” dagdag niya.
Paalala ni Duque, mahalaga ang proper hygiene upang makaiwas sa anumang sakit.
Ugaliing maghugas ng kamay, ng hanggang 20 segundo; gumamit ng tissue o panyo na pantakip sa bibig kung uubo o babahing, at kung nasa confined space gaya ng elevator at may umubo, pigilin muna ang paghinga o mag-exhale. Maaari ring magtakip ng ilong at bibig.