Aerosmith drummer bigong makakasama sa Grammy honors
BOSTON (AP) — Sinabi ng isang judge sa Aerosmith drummer na si Joey Kramer na mangarap na lamang ito na makasaling muli sa banda sa nakatakda nilang pagtatanghal at pagpaparangal sa Grammy events ngayong linggo.
Tinanggihan ni Massachusetts Superior Court Judge Mark Gildea nitong Miyerkules ang hiling ni Kramer na utusan ang banda, na ang unang hit single ay ang Dream On noong 1973, na payagan siyang makasali sa award celebration sa Los Angeles sa Biyernes gayundin sa Sunday’s prime time Grammy Awards show.
“Given that Kramer has not played with the band in six months and the dearth of available rehearsal time before the upcoming performances, Kramer has not shown a realistic alternative course of action sufficient to protect the band’s business interests,” mababasa sa isang parte ng desisyon ng hukom.
Sinabi ni Kramer sa isang pahayag na siya ay “extremely disappointed” ngunit nirerespeto ang pasya ni Gildea.
“I knew filing a lawsuit was a bit of an uphill battle,” he said. “I can hold my head high knowing that I did the right thing – to fight for my right to celebrate the band’s success that I have dedicated the better part of my life to helping build.”
Ikinatwiran ng 69-year-old Magnolia, Texas, resident na ang band, na katuwang siya sa pagtayo sa Boston may 50 taon na ang nakalipas, ay lumabag sa kontrata dahil ni-require siyang muling mag-audition para sa kanyang trabaho nang magkaroon siya ng ankle injury noong nakaraang taon dahilan para hidni siya makasa sa residency ng banda sa Las Vegas casino.
Sinabi ni Kramer sa kanyang asunto na ni-require siya ng banda na muling makuha ang kanyang trabaho sa pagtatanghal sa serye ng solo rehearsals para mapatunayan na kaya niyang tumugtog “at an appropriate level.”
Ikinatwiran niya na ang “artificial, made-up and undefined” requirement ay “insulting and upsetting” dahil walang ibang miyembro ng band ang hiniling na gawin ito dati. Ang singer na si Steven Tyler, guitarists na si Joe Perry at Bradley Whitford, at bassist na si Tom Hamilton ay pawang namahinga dahil sa illnesses at hindi hiniling na muling mag- audition para sa kanilang mga trabaho, ayon kay Kramer.
“This is not about money,” saad sa kanyang pahayag bago ang hearing sa Plymouth, Massachusetts nitong Miyerkules. “I am being deprived of the opportunity to be recognized along with my peers, for our collective, lifetime contributions to the music industry.”
Wala pang komento ang mga kinatawan ng Aerosmith sa desisyon ng hukom.