PSC nasa ika-30 taon na
NAGDIWANG ng kanilang ika-30 taong anibersaryo ang Philippine Sports Commission (PSC) na gaganapin sa Rizal Memorial Coliseum.
Ngunit sa halip na magkaroon ng magarbong selebrasyon dahil sa kanilang ikatatlumpung taon, minarapat na lamang ng pamunuan ng PSC at ng mga empleyado nito na gamitin ang kanilang pondo sa anibersaryo sa pagtulong sa mga pamilyang naapaektuhan ng pagsabog ng Bulkang Taal sa mga lugar ng Batangas at Cavite.
Kamakailan ay naghatid ng kanilang donasyon na mga sako ng bigas, tubig, pagkaing delata, damit at tulugan ang PSC sa Sacred Heart Parish sa Batangas upang maipamahagi sa mga biktima ng Taal.
Pinasalamatan naman ni PSC chairman William “Butch” Ramirez ang lahat ng mga naunang pinuno sa kanya, pati na ang mga empleyado noon at ngayon sa patuloy na pagsuporta sa nasabing ahensiya.
“It’s has been a journey for the PSC but we are still here. We at the PSC Board, we are very thankful to all those past leaders who served the agency and to all the employees, now and then for all the support and understanding. At sa mga atleta natin maraming salamat sa lahat ng inyong mga kabayanihan,” pahayag ni Ramirez.
Naitalaga bilang founding chairman ng nasabing ahensiya ang yumaong si Cecil Hechanova na nagsilbi buhat 1990 hanggang 1992 na sinundan naman ni chairman Aparicio Mequi taong 1992 hanggang 1993.
Taong 1993 humalili sa puwesto bilang chairman si dating Manila Mayor at Boxing Association president Mel Lopez na tumagal hanggang 1996.
Kasunod ni Lopez bilang PSC chairman taong 1996 hanggang 1998 ang kasalukuyang presidente ng Philippine Athletics Track and Field Association (PATAFA) na si Philip Ella Juico na sinundan naman ng yumaong si Carlos Tuazon mula 1998 hanggang 2001.
Ang dating swimming Olympian na si Eric Buhain naman ang humalili kay Tuazon bilang chairman, taong 2001 hanggang 2005.
Taong 2005, unang nanilbihan si Ramirez bilang chairman ng ahensiya kasunod si Harry Angping taong 2009.
Taong 2010 hanggang 2016 ay naglingkod naman ang dating PSC commissioner bilang chairman na si Richie Garcia.
2016 nang naibalik bilang chairman si hanggang sa kasalukuyan.
“This is a milestone for PSC. As we celebrate our 30th year we want it to be inside the Rizal Coliseum which has seen many siginificant events in the Philippine Sports,” pahayag ni Ramirez.