Ospital vs NCoV, itinayo
BEIJING (Reuters) – Mabilis na itinatayo ng Chinese city ng Wuhan ang isang bagong 1,000-bed hospital para doon gamutin ang mga biktima ng bagong coronavirus, at inaasahang mabubuksan ito sa susunod na linggo, ayon sa state media.
May 25 katao na ang namatay sa 2019 novel coronavirus (nCoV)at mahigit 800 ang nahawaan, sinabi ng gobyerno nitong Biyernes, habang idineklara ito ng World Health Organisation na isang emergency.
Karamihan ng mga kaso ay nasa central Chinese city ng Wuhan kung saan pinaniniwalaang nagmula ang virus sa bahagi ng nakaraang taon.
“The construction of this project is to solve the shortage of existing medical resources” nakasaad sa ulat. “Because it will be prefabricated buildings, it will not only be built fast but it also won’t cost much.”
Kumalat na ang virus sa Chinese cities kabilang sa Beijing at Shanghai, gayundin sa United States, Thailand, South Korea at Japan.
Gayunman, masyado pang maaga para maituring ang outbreak na isang “Public Health Emergency of International Concern,” sinabi ni WHO Emergency Committee panel chair Didier Houssin matapos magpulong ang samahan sa Geneva.
“Make no mistake, though, this is an emergency in China,” sinabi ni WHO chief Tedros Adhanom Ghebreyesus. “It has not yet become a global health emergency. It may yet become one.”
Sa pagsisikap na mapigilan ang outbreak, sinuspinde ng local government sa Wuhan, isang lungsod ng 11 milyon katao sa Hubei province, ang karamihan ng transport nitong Huwebes, kabilang na ang outgoing flights, at sinabihan ang mga tao na huwag umalis. Makalipas ang ilang oras, inanunsiyo rin ng katabing Huanggang, lungsod ng 7 milyon katao, ang mga parehong hakbang.
“The lockdown of 11 million people is unprecedented in public health history,” sinabi ni Gauden Galea, WHO representative sa Beijing.
Gayunman, sinabi ng samahan na hindi pa nito inirerekomnenda ang anumang mas malawak pagbabawal sa pagbiyahe at kalakalan.
Ang dating hindi kilala na virus strain ay pinaniniwalaang nakuha sa illegally traded wildlife sa isang animal market sa Wuhan.
Wala pang bakuna para sa 2012 nCoV, na maaaring kumalat sa pamamagitan ng respiratory transmission. Kabilang sa mga sintomas nito ang lagnat, hirap sa paghinga at pag-ubo.