Kasunduan sa kuryente, sisilipin ng DoE

Tumpak ang desisyon ng Department of Energy (DoE) na rebisahin at muling suriin ang kasunduang pinasukan ng Philippine Electricity Market Corporation (PEMC), isang Government Ownedand-Controlled Corporation (GOCC), sa isang pribadong kompanya na hawakan ang tungkol sa elektrisidad gayong ang puhunan nito umano ay

tanging P7,000.

Sinabi ni Puwersa ng Bayaning Atleta (PBA) Party-list Rep. Jericho Nograles na ang kapasiyahan ng DoE na rebiyuhin ang transaksiyong ito ay magbibigay-liwanag kung bakit at paano ang 7,000-peso company tulad ng Independent Electricity Market Operator of the Philippines, Inc. (IEMOP), ay nagawang makakuha ng kontrata para pangasiwaan ang wholesale electricity spot market (WESM) nang walang ano mang subasta o competitive bidding.

Ayon kay Nograles, ang aksiyon ng DoE ay malinaw na demonstrasyon ng ahensiya sa commitment nito na sundin ang direktiba ni Pangulong Duterte na dapat labanan ng mga kawani ng pamahalaan ang ano mang uri ng kurapsiyon.

“I welcome the decision of the DoE to finally step in and look into this dubious deal with IEMOP. The Philippines has one of the highest electric rates in Asia and it’s really revolting to realize that part of the money that we pay for electricity goes to a company with a capital that is not even enough to build a food cart business, and now they are collecting more than 1.2Billion Pesos a year,” ani Nograles.

Sinabi niya na ang PEMC at mga tao na nasa likod ng transaksiyon sa IEMOP, ay umaagaw sa poder ng Pangulo ng Pilipinas para sa malinis na kasunduan sa pamamagitan ng pagpapahintulot sa paglilipat ng government-owned assets sa isang pribadong kompanya nang walang approval ang Presidente.

ALVIN KASIBAN BUTI PA SA QC Nag-aalok ng face masks ang isang botika sa Quezon City kasalungat naman sa sitwasyon sa Bambang, Sta. Cruz, Maynila na nagkakaubusan ng supply nito, kahapon bunsod na rin ng nagaganap na panic-buying dulot ng pangamba sa novel coronavirus.