Proyekto vs human trafficking, inilunsad
Suportado ng gobyerno ng Amerika ang commitment ng pamahalaan ng Pilipinas na wakasan na ang modern day slavery sa inilunsad ng United States Agency for International Development (USAID) na tatlong taon, P153 million ($3 million) Strengthening Local Systems and Partnerships for More Effective CounterTrafficking in Persons sa proyekto ng Pilipinas.
Makikipagpartner ang USAID sa Inter-Agency Council Against Trafficking, ang non-governmental organization, Partnership for Development Assistance in the Philippines, local governments, civil society, at ng pribadong sektor upang palakasin ang lokal na sistema at partnerships upang wakasan ang human trafficking sa Pilipinas.
Ang ganitong proyekto ay kasama sa nagpapatuloy na sa U.S. assistance kontra human trafficking,tulad ng Child Protection Compact at ng Program to End Modern Slavery. Kabilang din ito sa tatlong programa na kumakatawan sa mahigit P510 million U.S. government commitment para sa anti-human trafficking efforts sa bansa.
“Men, women, and children continue to fall prey to traffickers and illegal recruiters all over the world. Through our programs, we partner with our friends and allies to strengthen social safety nets and the rule of law, as well as expand citizens’ education and employment opportunities,” sabi ni U.S. Ambassador to the Philippines Sung Kim sa inilunsad na proyekto.
Pinuri naman ni Ambassador Kim ang gobyerno ng Pilipinas ang malakas na commitment nito na tugunan ang trafficking in persons,gayundin ang local civil society organizations para sa pagtutulungang malabanan ang human slavery sa bansa.
Sa 2019 U.S. Department of State Trafficking in Persons Report, napanatili ng Pilipinas ang kanyang Tier 1 ranking para sa apat na magkakasunod na taon,ibig sabihin na patuloy ang gobyerno na pagkalahatang maabot ang ang minimum standards para sa tapusin ang human trafficking.