Waste management project, inilunsad
Bilang pakikiisa sa pagsusumikap ng pamahalaan na maresolba ang problema sa basura, inilunsad ng Department of Education (DepEd) sa Taguig at Pateros (TaPat) ang proyektong ‘Bantay-Magulang’ Waste Management Project, na ang layunin ay mahikayat ang mga estudyante na bantayan at pamarisan ang pagtalima ng kanilang mga magulang sa cleanliness measures kabilang na ang garbage disposal, segregation at reduction.
Ayon kay Dr. George Tizon, chief education supervisor ng DepEd TaPat, ang proyekto ay alinsunod sa kanilang Memorandum No. 13, series of 2020, o ang Waste Management Program, na isinama sa homeroom class bilang bahagi ng elective subject ng mga magaaral.
“The problem of garbage reduction is not confined within a particular city but Mayor Lino Cayetano is formulating policies that will benefit not only the city of Taguig but the rest of Metro Manila such as the Bantay-Magulang Waste management program, where students and parents at home plays a very vital role,” ani Tizon.
Ang proyekto na inilunsad nitong Sabado sa Gat Andres Bonifacio Elementary School sa Barangay The Fort, ay nilahukan ng mga magulang, mga guro at mga student-leaders.
Sa nasabing launching, lumagda rin ang mga magulang at mga local officials ng kasundunan bilang suporta sa magandang layunin ng programa.
“The goal of the project is to teach the children the importance of segregating biodegradable waste from non-biodegradable waste and achieve the project’s goal of decreasing the collected garbage in the city by 50 percent,” ani Tizon.
Sa ilalim ng programa, ang mga estudyante ay nire-require na turuan ang kanilang mga magulang ng tamang waste segregation at reduction efforts. Kinakailangan rin nilang iulat ang dami ng basura na kanilang nakolekta sa kanilang mga tahanan.
Ang mga estudyante na magrereport na ang kanilang mga magulang ay nabigong tumalima sa programa ay aatasan naman na hikayatin at gabayan ang kanilang mga magulang hanggang sa maobliga na ang mga ito na tumalima sa programa.
Ang Bantay-Magulang Waste Management Project ay sisimulan sa Gat Andres Bonifacio Elementary School at Gat Andres Bonifacio High School bago tuluyang ipatupad sa lahat ng paaralan sa lungsod ng Taguig.