Keep calm and cooperate –Palasyo

Ginagawa ng gobyerno ang lahat para mapigilan ang pagkalat ng novel coronavirus sa bansa, sinabi ng isang opisal ng Palasyo matapos kumpirmahin ng mga awtoridad ang unang pasyenteng namatay sa virus.

Sinabi ni Presidential Communications Secretary Martin Andanar na kabilang sa mga isinagawang hakbang ng gobyerno para labanan ang virus kabilang ang travel ban sa lahat ng mga bisitang nagmula sa China gayundin ang strict quarantine procedures.

“We would again like to ensure the public that the government is doing everything to ensure their safety and contain the spread of the virus, as the whole country deals with the threat posed by 2019-nCoV,” aniya.

Muli ring umapela si Andanar sa publiko na manatiling kalmado at makipagtulungan sa gobyerno para maiwasan ang pagkalat ng virus.

“We again call for the public to cooperate with the government, follow the procedures put into place, and to remain calm and rational. More importantly, we ask them to do their part in preventing the spread of the virus by following the precautionary measures prescribed by the DOH such as washing their hands regularly and wearing surgical masks in crowded areas,” aniya.

BASHERS ‘DI NAKAKATULONG

Samantala, sinabi ni Senator Christopher “Bong” Go na ang anumang pagbatikos kay Pangulong Rodrigo Dutetre at sa kanyang administrasyon ay hindi makatutlong para maresolba ng gobyerno ang banta ng novel coronavirus sa bansa.

Sa isang panayam ng GMANewsTv, sinabi ni Go na ang mga kritiko ng gobyerno ay maaaring dumalo sa Senate committee on health’s hearing sa Martes, Pebrero 4, para ilabas ang kanilang saloobin kaugnay sa pagtugon ng bansa sa virus.

“Yung bashers and netizens, imbitado kayong sumali doon, at doon ninyo ilahad ang lahat ng gusto niyong iparating sa mga opisyales. Harap-harapan ninyong sabihin,” ani Go. “Kasi hindi nakakatulong yung pambabatikos niyo sa gobyerno at sa mga opisyal. Sa panahong ito, dapat magkaisa tayo, magbayanihan tayo.”

Kaugnay naman sa atrasadong tugon sa travel ban, sinabi ni Go na ang administrasyong Duterte ay ginagawa ang lahat para maibalanSe ang interes ng lahat ng stakeholders kabilang na ang sa Chinese nationals.

Gayunman, ayon kay Go, pangunahing prayoridad ng pamahalaan ang mamamayang Pilipino.

“Binabalanse po ng gobyerno, ng Executive (ang lahat). Ako, bilang mambabatas po ako, very much concern ako bilang committee chair ng committee on health. Di naman po ako makakapagdesisyon dito, ang Executive po ang magdedesisyon dito, health officials lahat down to lahat ng miyembro ng interagency task force,” paliwanag ni Go.

Aniya, maingat na pinag-aaralan ni Duterte, ang lahat ng rekomendasyon.

“Hindi naman po basta-basta sasabihin ni secretary Duque i-ban na natin, ang impact po nito sa ekonomiya, di lang po sa Chinese nationals at sa lahat po ng pumapasok sa ating bansa, kino-consider po ng gobyerno yan,” ani Go.

“Intindihin po natin sila dahil rest assured po inuuna naman nila ang kapakanan ng bawat filipino, intees po ng bawat Pilipino,” aniya pa.