Republicans dedepensa
– Handa ang Republicans na depensahan ang kanilang inaasahang pag-aabsuwelto kay President Donald Trump, sa TV talk shows nitong Linggo, matapos ibasura nila sa Senate vote ang testimnonya ng saksi sa impeachment trial na umani ng mga batikos ng pagtatakip at pagtalikod sa kanilang mga tungkulin.
Lumala ang mga batikos nitong Sabado nang gabi matapos iulat ng US media na binanggit ng US officials ang presidential privilege sa pag-alis sa ilang salita sa 24 emails na may kaugnay sa pagpigil ni Trump sa military assistance sa Ukraine, ang isyu sa sentro ng kanyang impeachment trial para sa abuse of power at obstruction of Congress.
Sinabi ni Republican Senator Lamar Alexander ng Tennessee, itinuturing na posibleng swing vote sa mga saksi, na hindi na kailangan ng mga dagdag na ebidensiya.
‘’If you have eight witnesses who say someone left the scene of an accident, why do you need nine?,’’ aniya sa NBC sa panayam na inilabas nitong Linggo.
Inakusahan ni Nancy Pelosi, Democratic speaker ng House of Representatives, na nagimpeach kay Trump noong Disyembre 18, ang Republicans na ‘’accomplices to the president’s
cover-up.’’
Sinabi ni Republican Senate Majority Leader Mitch McConnell, kilalang kaalyado ni Trump, na ang House prosecutors ay nakapagpresinta na ng sapat na ebidensiya para sa kanilang kaso at hindi na kailangan ang mga dagdag na saksi.
Ayon kay McConnell, babalik ang Senate bilang court of impeachment sa Lunes para dinggin ang final arguments, bago ang botohan sa Miyerkules sa dalawang articles of impeachment na ipinasa noong nakaraang buwan.