Itigil ang diskriminasyon sa gitna ng nCoV crisis

SA patuloy na pagtaas ng takot dahil sa paglaganap ng 2019 novel coronavirus (n2019nCoV) sa mundo, pinaalalahanan ni Presidential Communications Operations Office (PCOO) Secretary Martin Andanar ang publiko laban sa diskriminasyon sa mga taong posibleng nahawaan ng sakit.

Sa isang pahayag, umapela si Andanar sa publiko na manatiling “calm, level-headed, and compassionate,” kasama ng pagsisiguro na tuloy-tuloy ang pagsiskap ng mundo upang maihinto ang 2019-nCoV epidemic.

“As the issue of a viral outbreak affects everyone, let us not engage in discriminatory behavior, nor act with any bias towards our fellowmen. The reality is everyone is susceptible to the virus,” pahayag ng PCOO chief.

“We should not let fear turn us against one another, especially if these fears are unfounded. We must not stigmatize people, especially when they are at their most vulnerable, but empathize with them instead,” dagdag pa nito.

Una nang napaulat ang diskriminasyong nararanasan ng mga turistang Chinese sa ilang mga bansa, sa gitna ng takot ng publiko na mahawa ng nakamamatay na sakit.

Ang bagong strain ng virus, na nangmula sa Wuhan City, China, ay lumaganap na sa ilang mga bansa, karamihan sa bahagi ng Southeast Asian nations, kabilang ang Pilipinas.

Sa huling tala, umabot na sa higit 300 katao ang namatay sa 2019-nCoV outbreak sa China, habang naitala kahapon sa Pilipinas ang unang ikalawang kumpirmadong kaso ng sakit at ang unang pagkamatay sa labas ng China.

Umakyat na rin ang bilang ng mga taong kumpirmadong mayroong novel coronavirus sa higit 14,000.

Siniguro naman ni Andanar na nakikipag-ugnayan na ang pamahalaan sa ibang mga bansa at kaugnay na ahensiya, gayundin sa international health organizations upang mapigilan ang pagkalat ng sakit.

“Preventing the outbreak of the 2019-nCoV is not something we can do alone,”aniya. “Let us not resort to panic, sow fear-mongering or spread misinformation. Solidarity, empathy, and cooperation are what we need to successfully take actions that will overcome this health concern,” dagdag pa ni Andanar.

Inabusihan din niya ang publiko na huwag mag-hoard ng mga face masks lalo’t maaari itong lumika ng unnecessary scarcity, para sa mga mas higit na nangangailangan tulad ng mga health workers at mga taong may sakit.