Walang opisyal na utos sa VFA termination –Lorenzana

“Fake news.”

Ganito inilarawan ni Defense Secretary Delfin Lorenzana nitong Sabado ang mga ulat na umano’y opisyal nang ipinag-utos ni Pangulong Duterte sa Department of Foreign Affairs (DFA) na magsumite na ang formal notice sa United States hinggil sa terminasyon ng Visiting Forces of Agreement (VFA).

“This is fake news. [Foreign Affairs]

Secretary [Teodoro] Locsin [Jr.] has not been [given] the order yet,” paghayag ni Lorenzana nang matanong hinggil sa isyu.

Gayunman, si Presidential spokesperson Salvador Panelo ang nagsabi na ipinag-utos na ng Pangulo sa DFA ang pagpapaabot ng abiso sa Amerika hinggil sa VFA termination.

“PRRD is instructing ES [Executive

Secretary Salvador Medialdea] to tell SFA [Secretary of Foreign Affairs] to send the notice of termination to the US government,” pahayag ni Panelo sa Malacanang press nitong Biyernes.

Bilang reaksyon dito, sinabi ni Lorenzana na, “According to Sec. Medialdea, none. Nada. Zilch. Awan. Wala! Anggapo,” na nangangaulugan umano na ‘nothing’.

Matatandaang nag-ugat ang pagbabanta ni Duterte hinggil sa pagtapos sa military pact sa America, makaraang kanselahin ang

US visa ni Senator Ronald dela Rosa, politikal na kaalyado at matagal nang kaibigan ng Pangulo. Enero 23 nang ideklara nito ang banta.

Naniniwala naman si Dela Rosa na ang madugong war on drugs campaign ng pamahalaan ang dahilan ng kanselasyon ng kanyang visa, na kanyang pinamunuon noong 2016 bilang hepe ng Philippine National Police.

Ang VFA ay isang bilateral agreement sa pagitan ng Manila at Washington which, kasama ng Enhanced Defense Cooperation Agreement (EDCA), na nag-ooperate ng 68-year-old Mutual Defense Treaty (MDT) sa dalawang bansa.

Sa naging pagdinig sa Senado nitong Huwebes, sinabi Locsin na magkakaroon ng negatibong epekto ang VFA termination sa seguridad ng bansa, at sa halip ay inirekomenda na lamang ang pagsasagawa ng review sa kasunduan.

Una nang sinabi ni Lorenzana na isang “low level” review sa VFA ang isinasagawa ng Defense department at Pentagon, ang US counterpart.