357 pulis, sasalang sa background check

Nasa kabuuang 357 na pulis, kabilang ang isang senior official na may ranggo ang sasailalim sa beripikasyon at background check para sa posibleng pagkakasangkot sa ilegal na aktibidad.

Ayon kay Gen. Archie Gamboa, hepe ng Philippine National Police (PNP), kabilang 357 pulis sa watchlist ni President Duterte at ipinag-utos na mag-report sa Camp Crame nitong Biyernes.

“This is an offshoot of a briefing in Malacanang. One of the proposals is for me to clease my own ranks,” saad ni Gamboa sa pagpapaliwanag ng kanyang utos sa mga pulis na magtungo sa Camp Crame upang sumalang sa intense verification.

Nakipagkita naman umano ang PNP chief sa karamihan ng mga pulis na nagtungo na sa Camp Crame.

“The purpose of this is for us to process the information that they are involved, for them to clear their names. But those who would not will face the full force of the law,” dagdag pa nito.

Inaasahan ni Gamboa na tatagal ang prosesop isang buwan, mula sa Lunes.

Base sa kasunduan kay Pangulong Duterte, dadaan ang 357 pulis sa dalawang lebel ng verification process.

Sa first level, ayon kay Gamboa, ay sasalang ang mga mother units ng mga sangkot na parak kabilang ang regional,

National Support Unit at Directorial Staff levels.

“Then for the next three weeks, they will be passed on to the National Adjudication Board which will be headed by the PNP Deputy Chief for Administration,” pagbabahagi pa ni Gamboa.

Kapag napatunayang malinis, ang kanyang pangalan ay tatanggalin na rin sa watchlist ng Pangulo.

Gayunman, para sa mga mapapatunayang sangkot sa drugs syndicates, mahaharap, aniya, ang mga ito sa criminal at administrative charges.