Ramirez, pararangalan ng PSA
Bilang pagkilala sa kanyang buong pagsuporta sa mga Pilipinong atleta, gagawaran ng Philippine Sportswriters Association (PSA) ng parangal si Team Philippines Chef De Mission William ‘Butch’ Ramirez sa pagdaraos ng taunang SMC-PSA Annual Awards Night sa Marso 6 na gaganapin sa Centennial Hall ng Manila Hotel.
Pararangalan bilang Executive of the Year ang 69-anyos na si Ramirez sa kanyang paggabay sa mga Pilipinong Atleta na sumabak sa 2019 Southeast Asian Games at nakakuha ng overall championship.
Ang Philippine Sports Commission (PSC) chief din na si Ramirez ang nagbigay ng kaunaunahang overall championship sa bansa, noong 2005 SEA Games, kung saan siya rin ang namuno bilang Chef de Mission ng Team Philippines.
Humakot ng kabuuang 149 gold, 117 silver, at 121 bronze medals ang Team Pgilippines sa nakaraang biennial meet, kung kaya naman sila din ang tatanghalin bilang Athletes of the Year sa nasabing Gabi ng Parangal.
Kasama din na pararangalan ni Ramirez ang mga premyadong sports personalities na nagbigay ng malaking ambag sa Philippine sports gaya nina Manny V. Pangilinan, Ramon S. Ang, Wilfred Uytengsu, Hans Sy, Ricky
Vargas, Chito Salud, Jude Echauz Dan Palami, at Philip Ella Juico.
Kabilang din sa mga parangal na igagawad ng PSA ang President’s Award, Executive of the Year, National Sports Association (NSA) of the Year, Ms. Basketball, Mr. Volleyball, Ms. Golf, Mr. Football, at Coach of the Year.
May tatanggap din ng mga Major Awards, Lifetime Achievement Award, Tony Siddayao Awards,
MILO Junior Athletes Award, at mga citations partikular na sa mga golde medalists ng SEA Games.
Magbibigay din ng posthumous award para sa mga sports personalities na yuamo na, para sa taunang pagtatanghal ng nasabing Awards Night na suportado ng PSC, MILO, Cignal TV, Philippine Basketball Association (PBA), Rain or Shine, at AirAsia.