Trike driver, binaril ng pasahero; todas

DOLORES, QuezonNapatay ang isang tricycle driver na isa ring barangay tanod nang barilin ng kanyang pasahero sa Sitio Bangkongkahoy, Barangay Kinabuhayan ng nasabing bayan, nitong Martes ng umaga.

Ang biktima ay kinilala ng pulisya na si Mario Briones Maraña, 46, at taga-Bgy. Sta. Lucia, na binawian ng buhay sa pinangyarihan ng insidente dahil sa tama ng mga bala sa noo at katawan.

Kaagad namang tumakas ang hindi nakikilalang suspek dala ang ginamit na baril.

Tatlong basyo ng cal. 45 pistol ang natagpuan ng scene of the crime operatives.

Iniimbestigahan pa ng pulisya ang insidente upang matukoy ang suspek at motibo nito.