KONDISYON!
Pacman, sabak sa 3x3 at Executive class ng MPBL All-Stars
HANDA na si Senator Manny Pacquiao sa kanyang susunod na international title fight. At patutunayan niya ang kondisyon ng katawan sa pagsabak sa dalawang event na inihanda sa 2020 Chooks-to-Go MPBL Lakan All-Star Games ngayon sa MOA Arena.
Sentro ng atensiyon ang tanging eight-division world boxing champion sa Executive Game, gayundin sa pinakabagong event na Celebrity 3X3 game. Makakasama ni Pacquiao sa koponan sina 3x3 national team pool members Alvin Pasaol at Troy Rike, gayundin si Ateneo star Thirdy Ravena.
“When we first met late last year, Senator Manny asked me if he could play in our league Chooks-to-Go Pilipinas 3x3. We wanted to make it special for him that is why we tapped the top young players in the country to play in this exhibition contest,” pahayag ni Chooks-to-Go president Ronald Mascariñas.
Makakasagupa ng Team Pacquiao sa side event na may nakatayang P100,000 na premyo ang Team Kobe Paras. Bunsod nang tinamong injury sa nakalipas na UAAP Season, coach na lamang ang papel ng batang Paras para gabayan ang kopona na binubuo nina top 3x3 player Joshua Munzon, dating FIBA 3X3 U-18 World Cup mainstay Juan Gomez de Liano, Imus Bandera’s Gerald Anderson at elebrity baller Marco Alcaraz.
Tampok na palabas sa programa ang North vs South 3x3 All-Star game na may nakatayang P50,000 premyo.
Magkakasama sa North Team sina Pasay’s Jaypee Belencion, Bulacan’s JR Alabanza, Valenzuela’s Paulo Hubalde, at Manila’s Aris Dionisio, habang ang South ay pagbibidahan nina Zamboanga’s Leo De Vera, Bacoor’s Nick Demusis, Mindoro’s Rodel Vaygan, at Imus’ Jayjay Helterbrand.
Pawang miyembro ng National 3x3 team na sasabak sa FIBA 3x3 Olympic Qulaiofying sina De Vera, Belencion at Alabanza.
“Our players in the national team pool have been training hard since December and we needed to give them a breather. Hopefully, they enjoy this day of fun in the MPBL before getting back to work,” sambit ni Mascariñas.