3 sports sa TOPS ‘Usapan’ ngayon
TAMPOK na talakayan sa Tabloids Organization in Philippine Sports ‘Usapang Sports’ ang boxing, 3x3 basketball at marathon ngayon sa National Press Club sa Intramuros, Manila.
Ipapahayag ni dating world boxing champion Merlito “Tiger” Sabillo ang tsansa laban kay Sho Kimura ng Japan sa kanilang duwelo sa “Final Showdown’ sa Sabado sa Manila Arena.
Ang Sabillo-Kimura fight ang main event sa boxing promotions ni Brico Santig ng Highland International Boxing Promotion.
Ilalahad naman ni Fiberkinetics 3x3 basketball at three-point shootout organizers, sa pangunguna ni sales and marketing manager Ian Navarrosa, ang ilalargang kompetisyon sa mga barangay at malls sa bansa. Ang Fiberkinetics ay gumagawa ng hi-tech scoreboards, basketball courts, fiberglass board, benches at basketball flooring
Panauhin din sa lingguhang public sports forum ganap na 10 ng umaga sa pagtataguyod ng Philippine Sports Commission, National Press Club, PAGCOR, Community Basketball Association at HG Gutavano Tea Leaf Drinks sina Binibining Marathoner race organizer Silamie Apolistar-Gutang at race director Joseph Balbino.
Iniimbitahan ni TOPS president Ed Andaya ng People’s Tonight ang lahat na dumalo at makiisa sa programa na mapapanood din sa Facebook live via Glitter Livestream.